Die Christbaumspitz
Fränkische Mundart
von Franz Bauer (1901 – 1969)
(a Gschicht vo daham)
Dös is fei wahr und is ka Witz
Die G'schicht fo unsrer Christbaumspitz.
Des war a schene Spitz jawoll
Fo auß'n silbri und inna hohl
Drum hot mei Frau g'sagt "Gouder Fritz
Gib mer fei obacht auf die Christbaumspitz!"
Und i hob grod den christbam putzt
Und hätt mi werkli bald derhutzt
Und wals pressiert hot dou drum eben
Lang i mit meiner Händ' danebn.
Der Mensch macht monchmal solche Schnitz –
Am Bud'n liegt die Christbaumspitz.
Die Frau die wor grad net zur Stell
Drum hob i denkt, et's handelst schnell
Die Hinterseid'n war lädiert
Drum hob is g'scheit mit Leim o'gschmiert
Hob's wieder naufpappt auf ihr'n Sitz
Gleich hie am Bam die Christbaumspitz.
Wer's g'wußt hätt, der hätt's deutlich g'sehng
doch i hob gornix g'sacht desweng.
Doch bei der B'scherung - des war dumm
Mir stena under'm Christbaum rum
Und weii mei Frau singt"Einsam wacht",
dou hat's auf amohl komisch kracht.
I merk, weii i ganz plötzli schwitz,
am Bod'n liegts, die Christbaumspitz.
I hob blous mit die Achseln zuckt
Und hob an maner Krawatt'n krukt
Und hob g'sagt
"Dou dro is schould blous dei unheimlich Singerei,
die kräftig Tön, die ham's zahout, Warum bläckst'n immer su laut?
Du schnulzt ja viel zu viel Lakritz,
siegst, et's is hie, die Christbaumspitz".
In Werglichkeit is anders g'west,
der Leim der hat sie langsam g'lest
und hat halt nimmer a su pappt,
drum hot die Spitz sich g'lockert g'habt
und schuld dro war die Aff'nhitz
und i mit meiner Christbaumspitz.
